Jeder, der scho moi an Bericht schreibn hat miassn, kennt des Gfui… Wennst vorm Laptop sitzt und drauf hoffst, dass de Worte und Gedanken oafach aus de Finger fliassn. In meinem Fall foids ma leicht, weil i mit der Veranstaltung, über de i schreib, a unbandigs Gfui verbind. I bericht Eich über unser desjähriges Aktivwertungsplattln, des am 9. November im Huosigau stattgfundn hat. Gastgeber war der Heimat- und Trachtenverein Haunshofen; an der Stelle sakrisch Vergelt´s Gott für de tadellose Organisation.
Dabei warn 100 Teilnehmer aus zehn Vereine – a Zahl, mit der ma zfriedn sei kenna!
Bsonders schee wars, Vereine zum seng, de scho länger nimmer mitgmacht hom – Vergelt´s Gott, dassds dabei warts und dass ma uns hoffentlich a nächsts Johr wieder seng.
Aber nu beriger war, dass oa Tisch Kinder vom Eberfinger Trachtenverein do warn und si des moi oschaung woidn, wia denn so a Preisplattln bei „de Großn“ oblafft. Bleibt zum hoffn, dass ma de Kinder für den Wettbewerb begeistern und motivieren hom kenna!
Wia a so a Wertungsplattln oblafft brauchts denk i ned groß erklärn, daher mecht i von dem verzoin, wos sicher olle vo Eich kenna. De „Konkurrenz“ is groß und jeder, der den Muat und de Motivation hod, mit zum machn, hod sie gedanklich scho an kloana Pokal verdient. Oft hängt vui vo da Tagesform ob.. Wichtig is doch, dass ma de Freid am Brauchtum gspürt und des a nach außen trogt.
Daher mei persönlicher Appell: Seids oafach dabei, weilts as gern machts – weils oafach Hoamat is!
Abschliaßnd no a herzlich´s Vergelt´s Gott an olle Musiker, Organisatoren, de Wertungsrichter ausm Isargau und olle, de dazua beitrogn hom, dass so a Veranstaltung gelinga konn.
Nachfolgend no de erzielten Platzierungen.
Buam Aktiv I
1. Burkhart Peter, Almrieden Gröbenzell
2. Menzinger Johann, D´Würmtaler Menzing
3. Pfennigmann Stephan, HuVTV Starnberg
Deandl Aktiv I
1. Hinterbichler Regina, D´Ammertaler Dießen /St. Georgen
1. Koneberg Anna-Maria, D´Würmtaler Menzing
1. Stangl Claudia, D´Würmtaler Menzing
Buam Aktiv II
1. Kaindl Magnus, D´Ammertaler Dießen / St. Georgen
1. Vief Florian, D´Ammertaler Dießen / St. Georgen
3. Hinterbichler Martin, D´Ammertaler Dießen / St. Georgen
Deandl Aktiv II
1. Scheidl Maria, D´Ammertaler Dießen / St. Georgen
2. Huber Claudia, D´Ammertaler Dießen / St. Georgen
3. Albrecht Sofie, Tiefenbachtaler Etting
Buam Aktiv III‘
1. Huber Andreas, D´Ammertaler Dießen / St. Georgen
2. Happach Roland, HTV Raisting – Sölb
3. Geltinger Winfried, D´Würmtaler Menzing
Deandl Aktiv III
1. Neumaier Esther, D´Würmtaler Menzing
2. Müller Christine, HTV Raisting – Sölb
3. Jakobs Roswitha, Almfrieden Gröbenzell
Buam Ehrenklasse
1. Kaindl Sepp, D´Ammertaler Dießen / St. Georgen
Gruppen‘
1. D´Ammertaler Dießen / St. Georgen I
2. D´Würmtaler Menzing I
Ergebnisse vom Aktiv-Wertungsplatteln am 09.11.2019 in Haunshofen
Bericht: Sofie Albrecht
Fotos: Sofie Albrecht und Rosalie Brunnhuber
